Меѓу 3-7 октовмври во Виена ќе се одржи еден од поголемите европски стартап собири Startup Weekend 2011. На настанот кој е организиран од aвстралиската StartEurope, ќе има 100 инвеститори, 70 говорници, 50 стартапи и 1.000 гости од 35 различни земји.
Стартап неделата ќе биде поделена во два дела. Првите два дена ќе бидат Startup Days, ќе има предавања и натпревар каде стартап компаниите ќе можат да се вклучат во работилницата. Најуспешните десет стартапи ќе презентираат на четвртиот ден, на TechCrunch Day, кога ќе бидат прогласени и победниците.
Вториот дел од Startup Week 2011-та ќе биде Conference Days на кои предавања ќе одржат: Адам Сомлаи-Фишер (основачот на Prezi.com), Александар Галитски, еден од првите руски ИТ инвеститори, Бернхард Нејснер(основач на busuu.com), Кристијан Кусен (европски менаџер на Ning.com), Мајк Бучер (TechCrunch Europe) и многу други познати и искусни инвеститори и основачи на стартапи.
Пријавувањето за учество на стартап натпреварот сè уште е во тек. Пријавувањето на стартап завршува на 10-ти август, а ако побрзате до 31 јули ќе може да ги купите најевтинитие билет за конференцијата.
Teaser STARTUP WEEK – The European Startup Festival from STARTUP WEEK on Vimeo.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
