Седумнаесет годишниот @stefanzivkovic твита од Косово, го следат и медиуми и министри

Седумнаесет годишниот Стефан Живковиќ од Звечане стана хит кај медиумите откако започна интензивно да известува преку својот Twitter профил за случувањата во Косовска Митровица по инцидентот во кој спрски хулигани го запалија граничниот премин Јариње во северниот дел на Косово.

Некои корисници, читатели и медиуми дури го нарекоа „херој“ за своето известување, а неговиот профил започна да го следи и српскиот министер за околина и рударство, Оливер Дулиќ, пишува 24сата.rs.

„Сите информации ги споделувам од лице место. Кога ги чув првите сирени отидов да видам што се случува и тоа го напишав на Twitter.”, вели Стефан кој сега има над 2.000 следбеници на Twitter. „Видов дека тоа ги интересира луѓето, што ме изненади, и продолжив да го правам тоа. Мило ми е што моите информации и фотографии кои ги сликав им помогнаа и на медиумите.“