ImageAssistant е ектензија за Chrome и Firefox која ви дозволува да ги преземете сите слики од веб страната на која моментно се наоѓате. Ова е корисно затоа што понекогаш сакате да ги преземете сите слики што ги има поставено во некоја галерија и не сакате да губите време за рачно избирање и преземање на секоја слика посебно.
ImageAssistant е доволно напредна екстензија која ви дозволува да изберете што точно сакате да преземете и во која резолуција да биде преземеното. Имено, не се работи за целосно автоматизиран процес и ако на некоја страна има 50 слики не значи дека морате сите да ги преземете, туку само оние кои претходно ќе ги одбележите. По избирање и на форматот во кој сакате да ги преземете сликите, истите набргу ќе се најдат на вашиот хард диск.
За да успее во горе-кажаното, ImageAssistant врши напредна анализа на целата страна, а, по потреба, можете да преземате слики од повеќе од една страница од еднаш. За крај, ќе најдете и симпатичен уредник на слики. Уредникот не прави чуда, но е добредојдена опција доколку сакате на брзинка да прегледате или минимално уредите некоја фотографија од една иста појдовна точка.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
