За разлика од Windows корисниците на кои им е сервирана една и единствена работна околина, корисниците на некоја GNU/Linux дистрибуција имаат и тоа каков избор за во каква околина ќе работат. Истовремено можни се повеќе работни околини и нивна промена од екранот за најавување. Еве неколку наши сугестии:
Unity
Оваа работна околина сигурно им е позната на многумина, со оглед на тоа дека Ubuntu е една од најкористените дистрибуции. Unity на корисниците им нуди пребарување директно од работната табла и лепење на апликации во лентата од левата страна.
GNOME
Пред Ubuntu да започнат со своја лична работна околина, GNOME 2.x беше стандардот што се користеше на таа дистрибуција, како и кај Fedora, Debian и дел од другите дистрибуции. Но, откако GNOME се реши да го развиваат новиот GNOME 3 Shell интерфејс, дел од нив се оттргнаа од оваа работна околина. Доколку имате потреба од некоја функционалност, GNOME нуди и екстензии кои може да ги инсталирате со само еден клик. За да проверите, отидете на https://extensions.gnome.org/.
KDE
KDE можеби и најмногу наликува на работната околина на Windows. Заедно со GNOME, тие се водечките работни околини за Linux, додека KDE сама по себе нуди повеќе опции и можности. KDE 4 доаѓа со неколку десктоп виџети кои може дополнително да се поставуваат, а самата работна околина е доста проширлива. KDE користи различни програми за фајл менаџер, прегледувач на слики и сл., во однос со GNOME и Unity.
Cinnamon
Cinnamon е уште една работна околина која би им одговарала на корисниците кои туку што направиле транзиција од Windows на GNU/Linux. Cinnamon е базиран на GNOME 3 кој се обидува да го задржи тој традиционален изглед на десктопот. Вклучува таскбар, мени за апликации и слично.
Xfce
Xfce е една од „полесните“ работни околини кои можете да ги користите на послабите машини. Оваа е една од работните околини која во моментот најмногу наликува на тоа како GNOME била порано.
Xfce користи свои програми, фајл менаџер, код едитор, прегледувач на фотогорафии. Иако има заеднички програми со Unity и GNOME, не секогаш ќе можете да ги пронајдете истите кои работат на некоја од овие работни околини. Xfce е препорачлив за постарите компјутери без стабилен драјвер за графичките кои не може да ги поддржат ефектите од Unity и GNOME.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
i3, awesome, openbox итн.
a MATE? :)
Fun Fact 2, можеш да го исклучиш пласирањето реклами и испраќањето на твои податоци.
Во 13.04 само со неколку клика. А и Unity е подобрен…
Fun Fact, Ubuntu ги праќа сите пребарувања кои ги вршите на Canonical кои се во соработка со Amazon да пласираат реклами, така да, можеби тоа пребарувањето не баш најсупер доколку не сакате некој да ви води сметка што пребарувате директно од таблата.
taka ako gledame google celo vreme sledi sto si prebaruval
per zs ne ne gi spomnuvas i3, awesome… :P