Македонското Собрание наскоро ќе добие Facebook и Twitter профил за подобро информирање на граѓаните. Најпрво профилите на Собранието да бидат администрирани од Одделението за информирање, за потоа да бидат поврзани со е-Парламентот и со веб сајтот на Собранието, информираше спикерот на Собранието, Трајко Вељановски.
Според најавата Facebook и Twitter профилите на Собранието на Република Македонија ќе се користат за споделување на содржини кои веќе се достапни на сајтот на Собранието. Содржини кои ќе бидат споделувани се дневниот ред на седниците, седници на работни тела или меѓународни и други активности на пратениците или службата на Собранието.
Иако друштвените мрежи пред се овозможуваат двострана комуникација, барем засега нема најави дека профилите на друштвените мрежи ќе влегуваат во комуникација со заинтересираните корисници. Вообичаено овие страни имаат и линкови до официјалните профили на институциите во Собранието, на пример Претседателот на Собранието или координаторите на пратенички групи, сепак ќе мора да почекаме најпрво да ги видиме профилите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
