Секојпат кога барате одговор на исклучително важно прашање соочени сте со две опции: Или да го барате одговорот во книги или на интернет. Но, што доколку го сакате најдоброто од двата света?
Нова алатка од Google, која се вика Talk to Books ви дозволува да поставите прашање и потоа да ви го сервира одговорот така што пребарува текстови од над 100 000 книги. Ваквиот неконвенционален пристап не се труди да нуди резултати поврзани со клучни зборови туку истакнува пасуси кои најдобро се поклопуваат со вашето прашање. Сосема разбирливо, одговорите понекогаш не ни ги содржат зборовите кои сте ги искористите за да го формулирате прашањето, но дефинитивно откриваат интересни перспективи и суптилно поттикнуваат жед за читање одредени книги.
За најдобра ефикасност, Talk to Books ве охрабрува да го поставите вашето прашање како кога разговарате со некого. На пример, резултатите се многу подобри доколку напишете: Are computer games dangerous?, наместо: computer games dangerous.
Моментно, Talk to Books е во експериментална фаза и е најдобро да се користи за поставување прашања за одредени факти отколку прашања поврзани за политика или култура. Дури и во моментната фаза, тешко е, а да не се цени алатката и уникатната можност да се прошират темите на начин на кој не можат традиционалните пребарувања преку Google.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
ReThing 
