Нова серија на iRobot правосмукалки ќе доаѓа со вештачка интелигенција. iRobot Genius Home Intelligence ќе му помага на роботот со информации за тоа кога и каде треба да се чисти.
Со надградбата роботите ќе бидат покорисни, но приватноста останува прашање. iRobot за потребите на вештачката интелигенција креира дигитална слика на станот при ова додавајќи зони за чистење кои можеби треба почесто да се чистат. Чистите зони се детектираат со помош на машинска-визија. Роботот ќе препознава кои објекти се во просторот, па може да препорача на пример почесто чистење околу масата.
Новите правосмукалки iRobot со помош на вештачка интелигенција ќе мапираат каде е целиот мебел во домот и автоматски ќе креира зони околу шанкот и масите на пример. Конечната одлука за почесто чистење на овие локации останува н сопственикот. Тој самиот може да одлучи некоја локација да ја одбележи како „чиста“-зона.
„Веднаш откако ќе јадат децата е совршено време да исчистиме под трпезариската маса. Трошки има насекаде, но не мора да ја чистите целата кујна“, вели Кит Харсфилд од iRobot за Verge.
За тренирање на вештачката интелигенција компанијата ги користеше становите на своите вработени. Роботот кој е користен во оваа прилика доаѓа со специјални налепници како потсетување дека може да бидат снимени во секој момент.
Ова не е првпат Roomba да собира податоци од корисниците. Пред 3 години компанијата објави дека роботот прави дигитална слика на станот или објектот кој го чисти. Тогаш компанијата објави дека овие податоци ги споделува со партнери.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Netcetera 
