{mosimage}Тихомир Цветкоски е 24 годишен музичар од Прилеп кој свири и пее во живо на секаков вид на веселби… но тоа го прави на еден поинаков начин – преку Skype. Го пронајдовме неговиот оглас на сајтот Reklama5, a бидејќи идејата на овој интерактивен музичар ни звучеше креативна и интересна, направивме интервју…
Тихомир, кој свири на клавијатури од својата 7-8 годишна возраст, идејата за правење свирки преку Skype ја добил барајќи некој нов и поинаков начин да ја работи својата работа и да се истакне како музичар, а ја реализирал преку поврзување на својот инструмент со компјутерот и подесување на дополнителни микрофони. Неговиот, слободно може да го наречеме веб 2.0 проект, го работи веќе половина година и досега се покажа како профитабилен. Има свирено преку Skype на над 40 родендени, седенки, слави и друг вид забави…
"Најчести муштерии ми се македонските иселеници во САД, Канада и Австралија, додека кај нас сеуште овој метод на работа не е прифатен целосно од луѓето, но според моите очекувања тоа набрзо ќе се смени." – вели Тихомир.
{mosimage}
Тихомир не е аматер музичар, тој соработува и со македонските естрадни личности како Рубинчо Благадуша, кој е прогласен како најдобар дебитант на овогодинешниот фолк фестивалот Охридски Трубадури.
Ангажирањето на еден ваков музичар преку интернет воопшто не е ефтино. Тихомир наплаќа по 100 долари од час за македонците во странство, додека за ангажман во државава, неговата цена изнесува по 1.000 денари/час.
Примерот со Тихомир и изведба на музика во живо преку Skype е одличен пример за искористување на алатките и можностите кои ни ги нуди интернетот. Во светот, постојат многу вакви слични примери, луѓето преку Skype одржуваат и часови за пеење, учат странски јазици, вежбаат математика и физика и др..
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
