Движењето IT4Charity е креирано од повеќе ИТ компании во 2016 година со цел да ја зближи ИТ заедницата преку хуманитарни активности кои се наменети за собирање средства за поддршка на ранливите групи во нашето општество. Во тој контекст, од тогаш-наваму, ИТ заедницата и СОС Детско село организираат една IT4Charity кампања на годишно ниво која има за цел да ја поддржи ранливата група на деца и млади во грижа на СОС Детско село.
Овогодишната цел на кампањата IT4Charity е собирање финансиски средства потребни за едукативна и вонучилишна доедукација и продобрување на капацитети и знаење на децата и младите без родители и/или родителска грижа кои се поддржани од СОС Детско село.
Минатите две години се организираа кампањи чиј концепт беше поттикнување физичка активност и team-building за вработените од компаниите учеснички при што кампањата финализираше со заедничка трка. Со намера да оваа трка стане традиционална активност за ИТ заедницата и оваа година организираме IT4Charity трка од 3КМ или 6КМ во која учество ќе земат вработените од ИТ компаниите кои ќе го поддржат IT4Charity проектот.
Планирано е трката да се одржи во недела на 3ти Септември со почеток во 9 часот, со старт и финиш на Школка, Градски Парк – Скопје каде што сите учесници и нивните поддржувачи и бодрачи по завршетокот на трката ќе имаат можност неформално да се дружат на забава со храна, пијалоци, музика.
Повеќе детали за како може да се вклучите во оваа иницијатива има во долунаведените фотографии, како и презентацијата за овој значаен проект кој овозможува вистински промени во животите на деца и млади од ранлива категорија:
