Во регистарот на Македонската академска истражувачка мрежа (МАРНет) постојат 26.766 .мк домени кои може да се анализираат, пишува студентот по информатика Дејан Ангелов во својата „Анализа на .мк домените“. Анализата е направена како одговор на новиот правилник на МАРНет со кој се либерализира .мк доменот, односно им се дозволува со домените да управуваат и други компании-регистрари.
Според анализата, 26-те илјади .мк домени, во чија бројка се вклучени и сите секундарни домени како .gov.mk, edu.mk, org.mk…, дури и непопуларните .inf.mk и .mil.mk кои не се искористени за ниту еден домен, се регистрирани од 11.513 регистранти. Поголем дел, или 14 отсто, се компании кои се посредници помеѓу МАРНет и корисниците, но со новиот правилник постои ограничување на само 30 домени по регистрант, што значи дека корисниците отсега ќе мора самите да го регистрираат доменот.
Подеталната анализа на .мк домените ќе ја најдете на блогот на Дејан Ангелов.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
