PaperNote e исклучително мала (68 KB) и ограничена апликација која има само една цел – да ви дозволи да поставувате виртуелни самолепливи пораки на вашата десктоп површина.
Во случај да имате потреба од вакви потсетници, PaperNote ќе ви излезе во пресрет со ливчиња во различни големини, но и бои, како и можности за промена на нивната местоположба. Доколку сакате, можете да наместите „ливчињата“ да доминираат и да се истакнуваат над сите ваши моментно отворени прозорци.
Што се однесува до фонтовите, можете да им ја менувате големината, да ги здебелувате или прецртувате зборовите, како и да им ја менувате поставеноста на ливчето (да го поставувате напишаното на лева или десна страна, или точно на средина).
