Во текот на минатата недела Dropbox го купи музичкиот стартап Audiogalaxy, со кои намери и по која цена – сè уште не е познато, но вчера падна уште еден договор. Dropbox го купи Snapjoy – сервис кој ви овозможува да ги хостирате и категоризирате вашите фотографии. Од денес, регистрациите на Snapjoy се затворени, но од тимот најавуваат дека повеќе информации ќе бидат достапни во текот на следните недели и дека фотографиите на корисниците се на безбедно место.
„Што ќе биде следно? Прво и основно, негрижете се – вашите фотографии се безбедни! Иако во следниот период нема да прифаќаме нови зачленувања, постоечките корисници ќе може да продолжат да го користат Snapjoy и да ги споделуваат своите фотографии.“
Најверојатно и најочекувано е целиот овој сервис да биде вграден во Dropbox, а корисниците да добијат можност да ги преземат своите фотографии на хард-дискот или директно да ги префрлат на својата Dropbox сметка. Што конкретно ќе се случи и кои се плановите на Dropbox со купувањето на овој нов сервис, сигурно ќе дознаеме на почетокот од следната година.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
3P Development 
Infinum 
Web Factory 
