Македонската е-спорт федерација, по завршување на националните квалификации во CS:GO, League of Legends и Heartstone, ја одбра македонската е-спорт репрезентација за оваа година која сега се подготвува да отпатува на светското првенство во е-спорт во Џакарта.
Во земја каде што признаени спортски репрезентации и спортисти, како и талентирани ученици и студенти бараат помош за да отпатуваат и учествуваат на некој интернационален натпревар заради организираноста на системот, не треба да нѐ изненади фактот дека е-спорт репрезентацијата на Македонија ќе ја очекува истото сценарио.
Со цел да ги покријат трошоците за патување, е-спорт федерацијата организира кампања на LetsFundIt.mk за да собере 150.000 денари, буџет кој е предвиден да ги дополни трошоците за патување.
“На 06.10.2016 година нашата еСпорт репрезентација треба да замине во Џакарта, Индонезија и да учествува на светското првенство во еСпорт. Во недостиг на средства за набавка на авиобилети, започнавме кампања за јавно финансирање, преку мобилен и преку LetsFundit. Со мала донација од ваша страна ќе помогнете за развој на еСпортот во Македонија.” велат од МеСФ.
Доколку сакате да ја поддржите е-спорт репрезентацијата на Македонија:
- донирајте на LetsFundIt тука,
- остварете повик на 143444 од Телеком или Vip и донирајте
- или пак, доколку не сте во можност да донирате, споделете ја оваа вест
Им посакуваме успешна кампања и многу успех!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
