Вчера, нашиот поглед беше фокусиран на две игри кои би можеле да ги игрaме во иднината. Денеска, би сакале да ви препорачаме две игри кои не би можеле да бидат поразлични една од друга, а се спремни за играње веднаш!
Destroyer: The U-Boat Hunter
Destroyer: The U-Boat Hunter е замислена како автентична и историски точна симулација која обработува воени сценарија поврзани со подморници.
Развојното студио Iron Wolf Studio S.A. се има погрижено верно да прикаже поморски битки од Втората Светска Војна. Благодарение на процедурално генерирање бројни параметри, во играта ќе наидете на неброени борбени сценарија со различни временски услови и офанзивни планови.
Контролирајќи го воениот број кој е замислен за ефикасна елиминација на подморници – Fletcher-class destroyer, ќе се движите низ пет верно рекреирани локации и ќе користите автентични инструменти и офанзивни процедури полни со непредвидливи исходи.
Gladiator’s Arena
Во случај да не сте по реалистични симулации и сакате да се ориентирате на безумна акција, ви препорачуваме да го проверите чедото на Afil Games. Gladiator’s Arena е roguelite „шутер“ во кој користите седум средновековни оружја и бројни способности.
Создавајќи уникатни, но привремени билдови, ќе навлегувате во дваесетминутни ранови и ќе се залагате за што е можно поефикасно справување со бројните непријатели. Gladiator’s Arena е крајно едноставна игра и ви препорачуваме да ја проверите во моменти кога сакате да се опуштите со едноставен наслов.
Коментари
Нема коментари. Отвори форумска тема и започни ја дискусијата.