Оние кои постојано патуваат често се имаат затекнато во ситуации каде телефонот или таблетот им е испразнет, а немаат можности за полнење на батеријата. За такви ситуации, компанијата BirkSun има на понуда ранец кој ги користи потенцијалите на соларната енергија за да ги наполни вашите уреди.
Ранецот се одликува со преден панел кој ја апсорбира сончевата енергија и ја складира во мала батерија. Според произведувачот, целосно наполнета батерија може да наполни iPhone еден-и-пол пати, што е исклучително корисно во ноќните услови. За време на денот, пак, соларниот панел паметно ги складира и надополнува резервите на батеријата. За уште поголема флексибилност или во услови на облачност, можете батеријата во ранецот предвреме да ја наполните, односно со приклучување на електричен извор.
Што се однесува до самиот ранец, можевме да забележиме дека се одликува со две клучни прегради, едната од нив предвидена за вашиот лаптоп, а другата со најразлични додатоци. Материјалот е водоотпорен и издржлив и доаѓа во шест бои. Единствена забелешка би била можеби превисоката цена од 250 долари, но од техничка гледна точка, дефинитивно е одлично решение доколку некогаш се решите да истражувате и да не се грижите за отсеченост од електричните направи. Нормално, поевтина и по креативна алтернатива би било да купите соларен панели и да пробате сами да го прилагодите. :) Или, со зборовите на талентираниот “американски хакер”…
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
