Првиот прототип на компјутер од Applе се продаде за 815.000 US долари во аукциско наддавање организирано од Charitybuzz. Apple 1, првиот компјутер на кој работеа Стив Вознијак и Стив Џобс е во серија од 200 уреди. Овој уред е еден од првите, ако не и првиот направен, вели истoричар на Apple за BBC.
Највисоката понуда на аукцијaта ја имаа Глен и Шенон Делимор, кои ќе го покажуваат компјутерот низ училишта и универзитети. Во наддавањето учествуваа околу 80 учесници, иако се очекуваа 1 милион долари, уредот не ја постигна предвидената цена. Ова не е најскапиот Apple 1, во 2014 Apple 1 се продаде за 905,000 долари.
Високата цена на компјутерот сепак е и добра вест; 10 отсто од сумата ќе биде донирана за целите на организацијата “Leukemia and Lymphoma Society”.
Плочката на компјутерот има печат кој покажува дека компјутерот е произведен во летото 1976. Само неколку од Apple 1 компјутерите се со рачно залемени компоненти вели Г. Вознијак. Apple е основан во април 1976, а првите Apple 1 компјутери се појавија во продавниците во јули 1976. Јасно е дека станува збор за еден од нивните први компјутери. Компанијата произведе 200 Apple 1 компјутери, од кои се продадоа 175. Претпоставките се дека низ светот постојат помеѓу 60 и 70 Apple 1 компјутери.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
