Македонски Hearthstone тим овој викенд за првпат учествува на интернационалниот онлајн турнир – Fireside Gathering Brawl. Настанот во живо може да го следите во Гоблин друштвени игри.
Тимот во состав: Давид Стојановски, Андреј Иванов и Иван Џајков ќе се натпреварува од Goblin Games. Истовремено ќе се одржи и трунир за посетителите, кои освен што ќе ги бодрат играчите, ќе можат и самите да се забавуваат.
Турнирот е дел од нов формат на натпреварување кое го започна Blizzard – Heartstone Raid. Станува збор за натпревар во кои сите учесници, на една локација се обидуваат заеднички да го поразат Lich King. Непријателот е многу потежок од другите противници од играта, па потребен е напор од сите присутни на локацијата. Учеството на онлајн турнирот, борбата со Lich King и уште еден турнир се одржуваат во истовремено. Посетителите освен учеството во овие натпревари ќе можат и во живо да ги следат натпреварите на македонскиот тим.
За учество на турнирот се плаќа симболична сума од 100 денари. Условите за учество се исти како и досега, а може да ги прегледате и да се пријавите за учество на facebook-страницата на настанот.
Турнирот ќе се одржи на 30 септември, сабота од 14:00 во Goblin.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
