Microsoft и Facebook завршија со поставување на 6.600 километри долгиот интернет кабел на дното на Атланскиот Океан. Новото поврзување ќе овозможи подобра врска помеѓу Европа и Америка. Капацитетот на кабелот е 160Tbps или 20.000 часа HD видео за една секунда, пишува Next Web.
Image courtesy of Microsoft
Marea Project е соработка на Microsoft и Facebook со шпанската компанија Telexius. Кабелот се протега од Вирџинија Бич во САД, до Билбао во Шпанија. Кабелот на делови е поставен и на 5.2 km под океанот. Дополнителна предност е што во иднина капацитетот на Marea може и да се зголеми.
Секако интересот на двата гиганти за побрз интернет не треба да биде изненадување. Facebook има сѐ повеќе корисници, а друштвената мрежа се обидува да собере што е можно повеќе содржини. Microsoft има куп апликации и сервиси од Office 365 до Azure за кој е потребен интернет сообраќај.
„Во време кога глобалните економии ја зголемуваат својата зависност од облак технологиите, а приватниот и јавниот сектор ги прифаќаат можностите за раст и подобрувања преку дигитална трансформација, ние сме возбудени од влијанието кое ќе го има Marea кабелот и на облакот и на сервисите. Со нетрпение го очекуваме унапредувањето на нашата инвестиција во изградбата на високо-технолошка инфраструктура за подобро поврзување на светот, поттикнување на економски раст и подобрување на технолошките капацитети“, вели Суреш Кумар од Microsoft.
Image courtesy of Microsoft
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
