Eвропскиот парламент на денешново гласање го одби контроверзниот трговски договор ACTA. Интернетот убедливо издвои победа со 478 гласови против ACTA, 146 беа воздржани и само 39 го поддржаа договорот.
Сепак, ACTA договорот сѐ уште може да стане стварност во некои од земјите во светот кои не се во ЕУ. Австралија, Канада, Јапонија, Јужна Кореја, Мароко, Нов Зеланд, Сингапур и САД се меѓу потписниците на договорот, за кои не важат одликите на ЕУ, и можно е да го ратификуваат. Исто така, ова не треба да значи и дека ACTA во целост ќе ја снема, бидејќи можни се други варијанти на овој закон. ACTA договорот за кој се зборуваше со месеци нема да постои, но што понатаму?
Според Twitter профилот на Европскиот парламент, европарламентарецот Дејвид Мартин во 14 часот ќе одржи прес конференција и истата ќе можете овде да ја погледнете во живо.
Rapporteur @davidmartinmep: ” I am very pleased the #EP has followed my recommendation to reject #ACTA “flic.kr/p/cqN6By
— European Parliament (@Europarl_EN) July 4, 2012
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
