PlayStation 5 е еден од најпопуларните уреди за интерактивна забава. Скоро две години како конзолата на Sony не може да се најде ни за лек и само најсреќните успеваат да ја купат за 500 евра. Скоро две години упорно продолжува трендот со препродавање на конзолата за значително повисока цена од препорачаната.
Сега, ни препорачаната цена не е доволна и Sony ja зголемува од 500 на 550 евра. Ваквото поскапување на сличен начин ќе биде рефлектирано на сите пазари, освен на пазарот во САД, каде конзолата и понатаму ќе се продава за 500 долари.
Објаснувањето од Sony е дека морале да ја донесат тешката одлука поради огромната инфлација која влијае на потрошувачите и создава притисок во многу индустрии. Тие сметаат дека оваа зголемување ќе допринесе делумно да се разрешат предизвикувачките економски притисоци. За крај од известувањето, напоменаа дека и понатаму нивниот приоритет е да го зголемат производството на конзолата за да секој ужива во можностите на PS5.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
