{mosimage}Компанијата која нуди он-лајн решенија за менаџмент на односи со корисници, SalesForce.com, на својата годишна конференција за корисници, DreamForce во Сан Франциско, најави партнерство со Facebook и Amazon. Со ова, практично SalesForce ќе ги поврзе веб сервисите на овие два сајта со својата платформа на хостирани апликации.
Партнерството со Facebook ќе им овозможи на SalesForce корисниците да создаваат апликации преку нивната платформа, а потоа истите ќе бидат објавени директно на друштвената мрежа. Извршниот директор на компанијата, Marc Benioff во својата презентација прикажа неколку примери каде што алатките создадени преку Force.com ќе овозможат пристап до контакти а со тоа и потенцијални нови вработени и нивна полесна регрутација.
Развивачите на софтвер можат бесплатно да го преземат потребниот пакет за создавање на Facebook апликации директно од сајтот Force.com.
{mosimage}
Партнерството со Amazon пак, се однесува на подобрување на хостинг просторот и техничките алатки достапни на Force.com. Во примерот за овој случај беше прикажан програмер кој го користи SalesForce и кој доколку има потреба за повеќе простор може паралелно да ги искористи услугите на Amazon Simple Storage Service ( S3) и Elastic Compute Cloud (EC2).
"Ова се луди времиња, ова се чудни времиња. Никој неможе да предвиди што ќе се случи во нив, но досега никогаш не постоеле вакви добри можности за развој на софтвер и веб апликации." беше изјавата на Benioff.
На конференцијата
тој исто така го најави и новиот проект Force.com Sites, кој е наменет да овозможи на корисниците да создаваат, хостираат и да овозможат пристап до јавни веб страни, користејќи ги достапните технологии на компанијата.
Benioff ја искористи и можноста да го исмее новиот проект на Microsoft, Windows Azure, и изјави дека Microsoft ќе ја искористи оваа можност само за да ги зароби развивачите на софтвер на својата платформа.
SalesForce.com е компанија чии услуги се користени од над 50.000 луѓе и која има годишни примања од над 1 милијарда US долари.
