Пајако е македонска Android апликација која на корисниците ќе им помогне да паркираат на локации кои се безбедни. Креатор на апликацијата е македонското студио 3P Development.
Aпликaцијaта не е наменета да им помогне на возачите да го избегнат законот. Целта e да им помогне на местата каде нема видлива ознака. Користењето на апликацијата е едноставно, корисникот единствено треба да притиснe на „провери“ и да добие податок дали некој пријавил пајак служба.
Засега Пајако е во тест фаза, а и за поголема точност потребно е поголем број на корисници да пријават каде пајак службата функционира. Иако идејата е добра, токму ова „crowd sourcing“ на податоците може да биде најголем проблем. Податоците ќе зависат најмногу од корисниците на апликацијата. Тие со „додади место“ можат и самите да означат место каде пајак службата „дига“ возила.
Тимот кој ја креираше апликацијата 3P Development, ги осуди и ги преупреди корисниците кои паркираат на тротоари и јавни површини.
Апликацијата е достапна на Google Play, а може да се користи на телефони со Android 4.0.3 или понова верзија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
