Откако и официјално дојде потврда дека Windows 8 излегува на 26 октомври, Мicrosoft започна да ги открива и термините за останатите продукти.
Знаеме дека заедно со оперативниот систем ќе излезе и таблет компјутерот Microsoft Surface. Windows Server 2012 ќе биде достапен во септември. Софтверот за Windows 8 телефоните ќе биде достапен во октомври, но за Windows 8 телефон ќе мора да се стрпиме до ноември. Сè уште е непознато и дали Nokia ќе добие предност пред останатите производители или сите истовремено ќе го добијат мобилниот OS.
Но, тоа не е се. Извор на ZDNet јавува за непотврдeни термини на некои останати продукти. Имајте во предвид дека термините кои се најавени не се потврдени од Microsoft и се информации од еден извор.
Тоа што е најавено е дека Windows Azure облакот ќе биде надграден во септември, а ќе биде пуштен во производство еден месец порано во август. Терминот на софтверската алатка Microsoft Visual Studio 2012 е ист со тој на Azure, односно производството почнува во август а ќе биде достапен до јавноста еден месец подоцна, во септември.
Windows 8 телефонот Apollo ќе биде достапен во ноември, а последен на листата е пакетот Office 15, кој ќе биде достапен во февруари следната година. Иако Office 15 ќе биде достапен со пред-верзија на Surface таблет комјутерите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
