Основачот на Binance CZ поднесе оставка а берзата казнета со 4 милијарди долари

Чангпенг Жао, познат и како „CZ“, основачот и извршен директор на Binanceподнесе оставка и ја призна вината за повеќекратните прекршувања изнесени од Министерството за правда и други американски агенции. Тој се изјасни како виновен пред федералниот суд во Сиетл во вторникот. 

Ричард Тенг, претходниот менаџер за глобални пазари на Binance, треба да стане нов извршен директор на компанијата, како што соопшти Жао во објавата на X во вторникот попладне. Меѓу другото, Тенг има исклучително искуството како извршен директор на Регулаторното тело за финансиски услуги на Глобалниот пазар во Абу Даби. А во врска со неговата оставка, Жао изрази дека „тоа е правата работа“, признавајќи дека има направено грешки, за кои што ќе превземе одговорност. Жао ќе остане во компанијата како акционер, а вети дека ќе биде достапен на тимот за консултација, доколку има потреба. 

Binance, позната како најголемата крипто берза на глобално ниво, се согласи да плати приближно 4,3 милијарди долари за да ги реши истрагите на Министерството за правда. Компанијата како што пишувавме и пред 2 години се соочуваше со низа регулаторни проблеми.

Кратка историја на Binance

Binance е основана во 2017 година од Чангпенг Жао, популарно познат како „CZ“. Компанијата брзо се искачи на врвот на крипто берзите како една од водечките крипто берзи во светот. Првично основана во Кина, но поради регулаторни предизвици, седиштето на компанијата беше преселено кратко во Јапонија, потоа во Малта, за потоа да нема официјално седиште.  

Photo Courtesy of Web Summit / Flickr

Binance привлече големо внимание. Најпрвин, преку кориснички дизајн на својата платформа, а потоа со големиот избор на поддржани криптовалути и ниските трошоци за тргување. За кратко време по лансирањето, Binance стана прв избор за многу крипто ентузијасти.

Растот на Binance беше експоненцијален и за краток временски период стана најголемата размена на криптовалути според обемот на тргување на глобално ниво. Под водство на CZ, платформата постојано ги прошируваше своите услуги, воведувајќи нови функционалности како на пример тргување со маргина. Компанијата, исто така, ја лансираше својата матична криптовалута, Binance Coin (BNB), која е од витално значење за поширокиот екосистем на криптовалути. 

CZ треба да плати 50 милиони долари оштета

Во соопштението на Министерството за правда на САД е наведено дека Binance признава дека е вклучена во неспречување на активности поврзани со перење пари, нелиценцирано пренесување пари и прекршување санкции. Конкретно, Жао се изјасни виновен по обвинението дека не одржувал програма за спречување на перење пари. 

Во пријавата е наведено дека Binance, заедно со Жао и други поврзани субјекти, со занемарување да спроведе програма за спречување на активности поврзани со перење пари го имаат прекршено Законот за банкарска тајна. Наводно, „во намерен и пресметан напор да профитираат од американскиот пазар“ овие ентитети ги прекршиле американските економски санкции.  

Според Ростин Бехнам, претседател на CFTC, размената на крипто собрала приближно 1,35 милијарди долари во такси за тргување од клиенти од САД. Судските документи открија дека Жао им наложил на вработените во Binance дека е „подобро да се побара прошка отколку дозвола“. 

Во договорот за признавање вина на Жао, тој се согласува на препорачаната казна од 50 милиони долари за CFTC и се согласува да не дава изјави што се во спротивност со неговото прифаќање на одговорноста. Според договорот за вина на Binance, компанијата ќе ја прифати оставката на Жао и ќе го забрани неговото вклучување во работењето на бизнисот од прифаќањето на вината, продолжувајќи за три години од датумот на назначување на независен орган за усогласеност. Компанијата, исто така, ќе ја подобри својата програма за усогласеност и ќе назначи независен орган за усогласување со регулативата во овој период. 

Photo by Kanchanara on Unsplash

Овој развој на настаните следи по неодамнешното обвинение на SEC против Кракен, третата по големина крипто берза, за наводно работење како „нерегистрирана берза за хартии од вредност, брокер, дилер и клириншка куќа“.  

Обвиненијата на Министерството за правда против Binance доаѓаат откако SEC ги обвини берзата и Жао дека ги лажеле регулаторите за своето работење, поднесувајќи 13 обвиненија. Во март, CFTC, исто така, поднесе тужба против Binance, Жао и нејзиниот главен директор за усогласеност Самуел Лим за наводно прекршување на правилата за тргување на деривати. 

Binance, се соочи со регулаторни предизвици, вклучувајќи ги коментарите на Жао кои придонесоа за колапс на врвниот конкурент FTX. Во април, Binance.US го раскина својот договор од 1,3 милијарди долари за стекнување на средствата на крипто брокерот Voyager Digital.

Checkout.com, исто така, ги прекина врските со Binance во август, наведувајќи ја загриженоста за спречување на перење пари, санкции и контроли за усогласеност. Binance ја оспори основата за раскинување, размислувајќи дури и за правна постапка. 

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments
види ги сите огласи на kariera.it.mk