Група српки програмери сака да им помогне на сите превозници да бидат како Uber. Станува збор за исклучително искусни програмери, јавува Startit.rs.
Целта на OpenLimo технологијата на која работат програмерите е да се обидат и да им помогнат на традиционалните превозници. Овие компании сега се загрoзени од новите технологии. Главна причина за ова е што овие превозници и премногу се насочени кон старите пракси.
OpenLimo е софтвер-како-услуга платформа (SaaS), која на превозниците ќе им помогне да креираат апликации преку кои полесно ќе стапат во контакт со нови, но и веќе постоечки клиенти. Идејата е да се креира сервис кој ќе овозможува повици и диспечинг, аналитика и управување со бизнисот.
Српскиот стартап пред се е насочен кон САД каде како превозници работат десетици илјади компании, а пазарот е вреден над 700 милијарди долари. Развивачите потенцираат дека не работат единствено на една апликација, туку на развој на цел сет од алатки. Идејата е да се собере што е можен поголем број на компании кои ќе ја користат платформата.
Засега OpenLimo е во фаза на развој и е далеку од готов производ. На развојот работат искусни програмери кои зад себе имаат неколку успешни производи во САД.
Прашање е колку има простор сега за спротивставување на компании како Uber или Lyft кога ќе се решат да навлезат на некој пазар.. Дали е може локалната конкуренција преку платформи како Openlimo или пак Claxi да им се спротистави? Компаниите ваќе ја најавија својата следна фаза превоз со автономни возила, а конкурентите сè уште се далеку од конкурирање на сегашната технологија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Native Teams 
