Samsung Galaxy Note 7 е уредот кој сите го прогласија за најдобар Android телефон, но и телефон кој постанува кошмар за Samsung. Телефоните набрзо по испораката беа повлечени бидејќи експлодираа при полнењето. Сега и заменетите телефони експолодираат, јави Verge.
Еден од заменетите уреди се запали во авион на Southwest Airlines. Сопственикот забележал дека телефонот чади, го фрлил на подот, а од него излегол зелен чад. За среќа нема повредени, сите патници од летот од Луизвил до Балтимор се евакуирани, а летот е одложен. Еден од патниците се вратил во авионот и забележал дека телефонот го изгорел тeпихот и го исцрнел подот на авионот.
„Работиме заедно со властите да дојдеме до уредот и да ја утврдиме причината. Откако ќе го испитаме уредот ќе имаме повеќе податоци за споделување.“, велат од Samsung.
Она што е загрижувачки е што телефоот е купен на 21. септември, и според фотографиите е дел од новата серија која е безбедна. На сликата која ја сподели сопственикот се гледа црното квадратче кое е показател дека станува збор за заменет телефон.
Image: Verge
Агенцијата за безбедност на потрошувачите во САД, започна истрага со која ќе го разгледа последниот инцидент, јави Recode.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
