Клеј Бејвор, проект менаџер во Google, на I/O конференцијата ја презентираше можноста за офлајн уредување на документи преку Google Docs. Тој отвори еден документ, се дисконектираше од интернет и продолжи да го уредува документот. Го зачува документот локално и откако се конектираше, Google Doc автоматски ги зема сите промени од меморијата и ги закачува онлајн.
Моментално ова работи само за документите, додека Google Presentations и Spreadsheets ќе бидат достапни офлајн, наскоро.
Покрај тоа, Google Drive денес ја доби и својата апликација за iOS и Chrome OS со што на корисниците ќе им биде овозможено да ги прегледуваат и уредуваат своите документи директно преку својот iPhone, iPad и Chromebook. Повеќе за Google Drive можете да прочитате овде, а Google Drive за iOS веќе може да ја преземете од iTunes App Store.
Исто така, и Chrome кој е користен од повеќе од 310 милион луѓе, ја доби својата верзија за iPhone и iPad. Google Chrome за iOS ќе ги има сите функции што ги нуди Chrome за Android. Сите опции за синхронизација се достапни и истите беа претставени на Google I/O, а достапен е и инкогнито модот. Chrome прелистувачот ќе работи на iOS 4.3 или понова.
