Нешто помалку од две години откако Apple ја слушна пресудата на Евроспката Унија, компанијата ќе започне со враќање на данокот.
Во 2016 година Европската комисија донесе одлука дека Apple има нефер договор со Ирска. Овој договор и овозможувал на компанијата да плаќа плати данок од 0,5%. Сепак клучниот проблем можеби е што ова е специјален договор кој му бил достапен единствено на Apple.
Европската комисија сметаше дека ова е недозволиво и ѝ нареди на Ирска да собере 13 милијарди евра од Apple. Незадоволни од пресудата беа и Apple, но и Ирска.
Двете страни тогаш најавија дека ќе се жалат на одлуката. Очекувањата се дека по жалбата ќе се одлучува наесен, но компанијата ќе мора да започне да ги враќа ратите отсега.
Ако одлуката по жалбата се промени, тогаш Apple ќе ги добие овие уплати назад. Пред да биде донесена конечна одлука на судот, овие средства ќе седат на ескроу сметка. Според најавите, Apple ќе ги исплати сите пари до крајот на второто тримесечие, јави Reuters.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
