Google го објави првото промотивно видео, официјална слика и спецификации од својот таблет компјутер Nexus 7 кој е изработен од Asus. Таблет компјутерот има 7 инчен екран, процесор со четири јадра и „батерија која трае цел ден“.
Eкранот поддржува 1280 x 800 дисплеј со густина на пиксели од 216 PPI, работи на Nvidia Tegra 3 процесор со четири јадра, 1 GB RAM и 8 или 16 GB простор, зависно од моделот. Напред има 1,2 мегапиксели камера за видео повици, и работи на Android Jellybean. Kако што очекувавме, Nexus 7 чини 199 долари за 8GB, односно 250 долари за 16 GB.
Повеќе детали за таблет компјутерот на Google ќе чуете на I/O конференцијата која може да ја следите во живо.
