На нешто помалку од еден месец до започнувањето на овогодинешната LeWeb конференција во Париз, организаторите денес ја објавија програмата за настанот. Оваа година, главна тема на LeWeb Paris кој ќе трае од 4ти – 6ти декември е „Интернет на нештата“, односно како можете да постигнете целосна контрола на секојдневните работи со помош на технологијата.
Свое учество ќе земат Тони Фејдел од Nest, Џејмс Парк од Fitbit, како и претставници од Lifx Lightbulbs и Lockitron. Исто така, на сцената на LeWeb Paris 2012 ќе се појави и Бенџамин Сиси – главен софтверски инженер во лабораторијата на NASA која е задолжена за испитување на Марс.
На конференцијата ќе се зборува и за конектирање на човечкото тело на Интернет. На таа тема, свој говор ќе одржи Амбер Кејс – киборг антрополог, Ариел Гартен од Interaxon и Дејвид Кен од Double Robotics.
Покрај веќе наведените учесници, свое учество ќе земат и претставници од Twitter, Facebook, Google, WordPress, и сл. Сите заинтересирани, своите апликации можете да ги испратат овде, а за студентите и фриленсерите има специјални попусти.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
