Станува збор за прилично нова друштвена мрежа и апликација на пазарот. Student’U е друштвена мрежа наменета за студентите кои сакаат брзо да ги откријат тајните на студентскиот живот и да запознаат нови колеги. Со оваа апликација студентите може да си го подобрат, подобро организираат и да го направат позабавен својот студентски живот.
Секако дека Facebook е одлична мрежа за одржување на контактите со вашите пријатели, но со Student’U можете да ги откриете студентите во ваша близина, да стапите во контакт со нив и да го подобрите друштвениот живот. Со користењето на оваа апликација, имате можност да изберете еден од петте профили кои ќе ја дефинираат вашата цел, а со тоа апликацијата ќе го одреди и кругот на пријатели и настани што може да ве интересираат.
„Student Profile“ и „Facebook Flirt Profile“ ве поврзува со останатите студенти кои се сконцетрирани на студентскиот живот. Додека, „Discovery Profile“ и „Facebook Global Profile“ се јавни профили и ви овозможуваат излез надвор од студентскиот живот и запознавање на луѓе кои не се на факултет. Петиот тип на профил е приватен и е наменет за потесниот круг на пријатели.
Преку вашиот профил можете да го поставите начинот на кој сакате да комуницирате и со кои личности би сакале да се запознаете. Апликацијата е достапна за Android 2.2+, iOS и WP7+, и можете бесплатно да ја преземете од StudentU.me.
Непотребно дуплирање на социјални мрежи. Ќе почнат да никнуваат на секој чекор сега.