Поправи.мк е веб сервис преку кој граѓаните можат да пријават општествен проблем, пример скршена клупа, ѓубре, дупки на патишта и други проблеми кои можат да се означат на мапа, да се дадат детали, и сите информации да бидат препратени до соодветната општина. Aпликацијата е победник на Vip Android предизвикот.
Новата 2.0 верзија донесува офлајн режим за пријавување на проблемите на мобилната Android апликација, како и преглед на нови коментари и можност за промена на статус за пријава, додека веб апликациајта сега има посебна страна за секоја општина, можност за праќање на пријави до опшитните, графички приказ на пријавите, RSS фидови за пријавите и приотеризирање на пријавите според гласови.
Кодот ќе биде презентиран денес (12.05.2011 во 19 часот) на состанокот на ruby.mk во Хаклаб КИКА.
(via Фондацијата Метаморфозис)
Мене ме интересира дали постои увид во тоа колку и кои проблеми општините ги решиле… Бидејќи ако луѓето само пријавуваат, а никој не реагира, тогаш (едностраното) користење на сервисот нема поента.