Американскиот претседател Барак Обама повторно ќе покаже како треба да се однесува модерен политичар кој знае да ги искористи сите можни ИТ алатки за да биде во директен контакт со тие на кои им служи.
Г. Обама за 30-ти јануари закажа своја прва Google+ Hangout средба на која во живо ќе одговара од прашањата од граѓаните кои ќе бидат објавени на YouTube. Hangout е алатка за видео средба меѓу корисниците на друштвената мрежа на Google.
Корисниците ќе можат да ги закачат своите прашања преку YouTube Moderator алатката. Преку неа другите граѓани ќе гласаат за своите омилени прашања. Најпопуларните ќе бидат одговорени преку Hangout видеото кое ќе биде достапно на официјалната страна на Белата куќа, како и на официјалните профили на Google+ и YouTube.
Американскиот претседател е познат по користење на друштвените мрежи за да стапи во контакт со граѓаните. Претходно, имаше собир на Facebook со корисници од друштвената мрежа, LinkedIn и Twitter, а уште од кога е на претседателската фотеља го користи YouTube како алатка за своите неделни обраќања.
Што се однесува до македонскиот претседател, г. Иванов се чини дека не користи друштвени мрежи, но затоа премиерот Груевски преку Facebook одговори на прашања на граѓаните.
[youtube]TY-ZQQbQyaQ[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
