Nvidia и најголемиот кинески пребарувач, Baidu, потпишаа договор за развој на автономни возила. Договорот опфаќа и други области како развој на вештачка интелигенција.
Кога е во прашање компјутерот зад паметните возила, Nvidia речиси без сомневање е лидер на ова поле. Компанијaта постојано ја развива Dive PX платформата. Baidu веќе тестира автономни возила, но по партнерството ќе ја замени технологијата која ја користи, со Dive PX.
„Веруваме дека вештачката интелигенција е најмоќната технологија денес, со потенцијал да ја револуционеризира секоја индустрија. Нашата соработка е во склад со исклучителните технички ресурси за креирање на платформа за вештачка интлигенција за сите девелопери“, вели Јан Бак од Nvidia.
Кога се во прашање автономните возила на Baidu, компанијата би можела да има проблеми. Директорот на компанијата ЛиРобин е под истрага во Кина откако е објавено дека изнел едно од тест возилата надвор од тест зоната. Потоа со ова возило се возел во Пекинг. Во Кина е забрането возење на автономните возила на јавните патишта, вели BBC. Според г. Ли возилото управувало по улиците без никаков проблем.
Двете компании ќе работат и на оптимизација и на вештачката интелигеција на Baidu, PaddlePaddle, за графичките на Nvidia, јави BusinessInsider.
Кина е огромен пазар, па влезот на компанијата резултираше со раст на акциите на Nvidia од 3.27%.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
