Нова инвестиција од 30 милиони евра за хрватскиот производител на електрични автомобили, Rimac

Avatar img-thumbnail img-circle

во feature, ИТ.ЕУ

Најамбициозниот стартап од регионот, хрватскиот Rimac Automobil, доби нова, досега најголема инвестиција. Инвестицијата од 30 милиони евра е најголема и за било која компанија од Хрватска.

Инвестицијата доаѓа од најголемиот азиски производител на батерии Camel Group. Инвестицијата е наменета како за Rimac Automobil, така и за Grayp Bikes. Grayp Bikes е компанија сестра на Rimac, во која се развиваат електрични моторцикли. Од 30 милиони евра, 3 милиони ќе бидат инвестирани во Grayp Bikes.

„Оваа инвестиција ќе ни помогне да го забрзаме растот, да креираме нови производи за пазарот и да го прошириме нашето глобално присуство. Две клучни области во кои ќе инвестираме се: супер модерен капацитет за компанијата, и лансирање на нашиот електричен супер автомобил од следната генерација, кој ќе го презентираме следната година“, вели Мате Римац.

Rimac Automobile започна во 2009 година, во гаража. Како и Tesla, компанијата успеа да го убеди светот дека електричните автомобили можат да бидат и убави и забавни. Компанијата денес има партнерства со неколку препознатливи брендови како Aston Martin и Koenigsegg.

Добивај известувања
Извести ме за
guest
0 Коментари
Inline Feedbacks
View all comments
види ги сите огласи на kariera.it.mk