Втора успешна Kickstarter кампања на македонските играчи на табла. По Small Star Empires, Cavern Tavern на Final Frontier Games уште побрзо ги собра потребните средства. За успешна краудфандинг кампања беа потребни 18.000 долари, кои беа собрани за два дена. Во моментов над 400 поддржувачи вложија околу 20.000 долари. До крајот на кампањата остануваат уште 28 дена!
Cavern Tavern е објавена од Final Frontier Games, студио за игри на табла од Скопје кое го водат Војкан Крстевски, Тони Тошевски, Ивана Станковска и Маја Матовска. Како што може да се забележи, илустрациите се препозналтиви. Тие се дело на македонскиот артист Тхе Мичо, познат и како Михајло Димитриевски. Тој без сомневање е еден од најактивните во креирањето на игри на табла во Македонија. Cavern Tavern е „worker placement“ игра на табла во која може да учествуваат од 2 до 5 играчи. Играчите се во улога на келнери во една од најопасните таверни во Five Realms и мора да ги услужат гостите помеѓу кои има: елфови, тролови, џуџиња, но и волшебници, истовремено истовремено исполнувајќи ги задачите од сопственикот на таверната Nasty the Dwarf.
Cavern Tavern во претпродажба на Kickstarter е достапна за 44 долари, а во продажба ќе чини 55 долари. Кампањата има повеќе цели, а некои од нив се ексклузивни за поддржувачите на Kickstarter.
