Nokia конечно влезе на пазарот на Android паметни телефони, и тоа не со еден, туку со три телефони – Nokia , Nokia X+ и Nokia XL. Телефоните се Dual SIM, евтини и се наменети за пазарите во развој.
Nokia X доаѓа со четири инчен WVGA дисплеј со резолуција 800 х 400, двојадрен Snapdragon процесор на 1 GHZ, 512 MB RAM, 4 GB слободен простор, 5 MP камера. Спецификации наликуваат на Lumia 520. Nokia X+ доаѓа со повеќе меморија и простор, а Nokia XL доаѓа со поголем 5-инчен екран и предна камера со 2 МР.
Сличноста помеѓу Nokia X и Lumia 520 не е единственота што ќе ве потсети дека компанијата е најголемиот производител на Windows Phone телефони. Иако телефоните доаѓаат со Android, на оваа серија тој наликува на Window Phone и доаѓа без поддршка за Google Play. Наместо сервиси од Google, телефоните доаѓаат со куп апликации од Microsoft како Skype, OneDrive, а наместо Google Search пребарувач е Bing. Апликациите ќе бидат достапни од Nokia Store и од трети продавници, а тука секогаш е и можноста за преземање на APK. Според Nokia 75 oтсто од Android апликациите се компатибилни со X моделите, можеби само треба да ги најдете.
Nokia X ќе бидат достапни од 3 март во Источна Европа, Кина, Индија, Индонезија, Тајланд и Блискиот Исток. Цената на телефоните е 90 евра за Nokia X, 100 евра за Nokia X+ и Nokia XL чини 110 евра. Сепак се чини дека останува прашањето што ќе се случи со овие телефони откако Microsoft конечно ќе ја преземе контролата врз финската компанија.
[youtube]_pdTuFWbcNI[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Ne vi se cini deka malku docnite so vesta? Ne e strasno nekolku dena :D