Минијатурен сензор прикачен на пчелите им овозможува на научниците непречено да го следат нивното однесување. Технологијата е креирана по примерот на онаа која се користи во магацините за следење на палетите, јави ВВС. Уредот овозможува следење до растојание од 2,5 метри, што е значително зголемување со оглед на тоа дека досега ова растојание беше 1 сантиметар. Во моментот сензорот е во рана фаза, но во иднина ќе биде потенок и полесен и ќе може да се користи и за следење на помали инсекти.
„Првата фаза беше креирање на одбележувачи од компоненти кои се лесно достапни. До сега имам направено околу 50, ги залемив на моето биро – ми се чиниеше на операција…“, вели др. Марк Онил, кој е лидер на проектот.
Приемниците ќе бидат поставени на ливада каде би доаѓале пчелите по нектар и полен. Поставувањето на предаваелите кои се минијатурни 8 х 4,8 mm трае помеѓу 5 и 10 минути, а предавателот се прилепува на пчелите со супер лепак. Истражувањето и следењето со помош на технологијата треба да помогне за пронаоѓање на решение со големото изумирање на пчелите.
