Seavus 
Како прв ментор на втората пред-акцелераторска програма наменета за ИТ стартапи, Seavus Инкубатор го најавува гостувањето на Елиот Адамс од Силиконската долина. Како и минатата година, во текот на октомври и ноември во Скопје ќе дојдат истакнати имиња од светот на претприемништвото во Seavus Инкубатор, каде стартапите ќе може да креираат и иновираат продукти.
Елиот Адамс има големо искуство во работа со претприемачи, пред сè како ментор на пред-акцелераторската програма на светски познатиот акцелератор Тechstars од Сан Франциско. Тој е предавач на Интернационалната бизнис школа Hult со седиште во Сан Франциско, каде соработува со претприемачкиот центар Nasdaq и е автор на книгата “The startup mixtape” која ќе ја промовира за време на неговото гостување во Македонија. Интересен податок е дека еден од стартапите во кој работел како директор за технологија (CTO) е продаден за 22 милиони долари во 2008 година.
Аплицирањето за пред-акцелераторската програма на Сеавус Инкубатор е се уште отворено, а само 10 стартапи ќе имаат можност да земат учество во овогодинешната програма. Сите заинтересирани компании можат да аплицираат на веб страната на Seavus Инкубатор.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Symphony Solutions 
