Илон Маск предвидува дека првите ракети ќе отпатуваат на Марс во 2022 година.
Можеби поинтересно е предвидувањето за патување од различни локации на земјата со ракети. Најдолгите патувања ќе бидат покуси од 30 минути, а патниците ќе можат да дојдат до било кое место на земјата за само 1 час. Она што е поголемо изненадување е дека овие патувања ќе чинат колку и билет за авион.
„Иднината ќе биде многу повозбудлива ако патуваме во вселената. Се работи за верба во иднината и доверба дека иднината ќе биде подобра од минатото“, вели г. Маск.
Патувањето од една до друга локација ќе започнуваат со патување со брод до платформата од каде и полетува ракетата. Потоа со ракетата патниците одат во орбита и по 30 минути слетуваат на платформата во близина на својата локација. Space X за ова работи на нова ракета, Big Fucking Rocket или BFR. Првото лансирање на ракетата се најавува до 2022 година. А, до 2024 година компанијата најавува 4 лета до Марс.
Сепак, клучот за успехот на овие вселенски летови лежи во собирање на средствата од сите други проекти и префлање во BFR. Ова значи дека откако Space X ќе произведе доволно Falcon и Falcon Heavy ракети, ќе започне со фокус BFR.
Што се однесува до патувањето до Марс, г. Маск предвидува дека летовите ќе започнат од 2022 година, а дотогаш треба да има веќе две слетување на црвената планета.
Засега има низа предизвици за остварување на првите летови. За почеток, треба значително да се намали периодот помеѓу лансирањата. За оваа цел компанијата ќе се обиде да направи 20 лета оваа година и 30 лета следната, пренесе TechCrunch.
Supporting the creation of a permanent, self-sustaining human presence on Mars. https://t.co/kCtBLPbSg8 pic.twitter.com/ra6hKsrOcG
— SpaceX (@SpaceX) September 29, 2017
Сепак, плановите за колонизација на Марс, започнуваат со изградба на база на Месечината. Засега иако оваа идеја е нафрлена, нема премногу објаснувања за Месечината.
First opportunity to land BFR with cargo on Mars is 2022, followed by BFR crew and cargo missions to Mars in 2024. https://t.co/kCtBLPbSg8
— SpaceX (@SpaceX) September 29, 2017
Да беа овие планови презентирани од било кој друг тешко е да се поверува дека ќе беа разгледувани сериозно. Сепак г. Маск успеа со неколку подвизи, кои пред Space X беа неверојатни, да ја разубеди јавноста. Досега 16 пати по ред Falcon полета и успешно слета на платформите. Компанијата е толку успешна во овие летови, што веќе не се ниту во главните вести на медиумите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
