TweetDeck, eден од најпопуларните декстоп клиенти за твитање, од неодамна во сопственост на Twitter, сега објави нова верзија во која претстави неколку интересно новини.
Додадена е опција за креирање, едитирање и бришење на Twitter листи директно во апликацијата. Сега има и нови две колумни за прикажување на активностите и интеракциите со другите корисници, што значи сега ги прикажува ретвитувањата, кој ве следи, кому му се допаднал ваш твит итн. Сменета е и опцијата Quote со Edit & RT за уредување на пораката пред да ја ретвитувате.
Новината што најмногу ќе ги израдува корисниците на овој клиент е што сега ќе може да се прегледуваат слики и видеа директно во апликацијата. Под секој твит ќе биде прикажано мало сликиче, кое се отвара во целосна галерија.
Windows и Chrome верзијата ќе се надгради автоматски, по рестартирање на клиентот, односно прелистувачот, додека верзијата за Mac може да се симне од Mac App Store.
[youtube]idEBs_9PGUM[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
