Време е да се каже „не“ на масовното набљудување преку Интернет. За почеток треба да започнеме со протести, хакатони и онлајн кампањи кои ќе стартуваат на 11-ти февруари. Организиран од куп различни организаци кои се борат за човековата права и слободата на изразување, овој „The Day When We Fight Back“ настан има за цел да ги информира граѓаните за потенцијалното нарушување на нивната онлајн безбедност, и да испрати порака до институциите дека треба да се следат глобални принципи за следење на комуникациите.
Документите објавени во последнава година од поранешниот аналитичар на NSA, Едвард Сноуден, откриваат дека властите со легално одобрување или нелегално пробивање собираат огромни количини приватни податоци за да ги следат сите корисници. Покрај таргетирањето на индивидуи, американската NSA и агенциите од другите држави си земаат за слобода да складираат се што ќе можат да пресретнат од Интернет, со аргумент дека ја штитат „националната безбедност“, а во реалноста тие само складираат податоци од граѓани кои не прават криминал.
Доколку сакате да им кажете „СТОП!“ на властите, идејата зад кампањата е да се организираат собири, хакатони и протести на темата масовно набљудување. Можете да закачите и банер на вашиот сајт, или да ги искористите карикатурите споделени од Global Voices Online за да истакнете солидарност и поддршка за кампањата; и да ги потикните властите да ги следат тринаесетте принципи за интернационалното надгледување на комуникациите, развиени од експертите за човекови права.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
феБруари, исто така
Ви благодарам за забелешките, без добра публика нема да има поправени текстови. :)
масоБното набљудување
Инсталирајте си Microsoft Word, има одличен spell check дури и на македонски