Ден после објавувањето дека работат на прелистувач за iPad, Mozilla го објави својот најнов продукт – Thimble. Thimble е дел од Webmaker проектот на Mozilla кој е наменет за почетниците да пишуваат и уредуваат HTML и CSS кодови директно преку својот прелистувач.
Дизајниран едноставно и наменет за секого, Thimble претставува едноставен начин да создавате и споделувате веб-страници и други проекти. Вклучен е визуелен едитор кој им овозможува на корисници својот код да го уредуваат директно во прелистувачот и истиот да го прегледат како ќе изгледа.
Покрај Popcorn (JavaScript рамка за HTML5 видео) и X-Ray Googles (HTML element inspect) кои се дел од проектот Mozilla Webmaker, останатите проекти преку Thimble се достапни на проект страницата на Webmaker.
