Иако помина едвај половина година од Blizzcon и најавата за најновото продолжение на супер популарниот ММО World of Warcrat, во Blizzard се спремни во скоро време да започнат со тестирање на Mist of Pandaria. Во кусото сооштение е објаснето дека во бетата загарантирано место ќе добијат играчите кои се обврзани на годишна претплата што ги опфаќа и играчите кои ја искористија оваа поволност за да ја „добијат“ Diablo 3.
За да се пријавите за бета тестот потребно да имате еден активиран продукт на Battle.net и на вашиот профил да ги селектирате игрите кои сакате да ги тестирате. Ако ве изберат ова е еден од ретките случаи кога нема потреба да се обврзете на „договорот за молчење“ (NDA), но и содржините кои ќе бидат достапни во бетата сепак се подложни на промени и можат да бидат драстично различни во конечното издание.
Во ова соопштение Blizzard истакнуваат играчите да бидат спремни на phishing измами, па подобро проверката за тоа дали сте примени или не е да ја направите на вашиот Battle.net профил.
За бројноста на учесниците на бетата одговорните објаснуваат дека првична цел ќе биде да им се дозволи пристап до тестот на соте заинтересирани годишни претплатници, а ако има потреба ќе повикаат и дополнителни играчи на бета тестот. Времетраењето е сеуште непознато, а и покрај тоа што нема точна дата за почеток на бетата најавата е дека ќе биде наскоро.
[youtube]nyeZ8khSEC0[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
