Terraria е игра од 2011 година и, за разлика од повеќето игри од тој временски период, овој дводимензионален Minecraft клон едноставно одбива да биде прегазен. Terraria сега има ново надополнување!
Низ годините, играта континуирано се прошируваше со бесплатни, бројни и, пред сѐ, содржителни надградби, а 2016-та година дефинитивно не е исклучок.
Најновото надополнување ќе ви го обогати искуството со нови промени во времето, односно со песочни бури кои носат нови непријатели, оружја и алатки, како и проширена музичка подлога. Па така, виулиците имаат нови визуелни ефекти, а пустините и подземјето се поубави благодарение на топлотните дисторзии и бројните песочни ефекти. Покрај ова, надополнувањето се одликува и со неколку исправки во гејмплејот. За подетални информации, посетете го форумот.
Terraria е една од најдобрите sandbox-survival авантури и е задолжителна лектира за сите љубители на овој жанр. Копајте, борете се, истражувајте и градите во светови кои се создаваат по случаен избор, а во ситуации кога ќе побарате слична игра, но со научно-фантастични примеси, свртете го вниманието и на Starbound.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
