Microsoft објави на TechEd конференцијата која се одржува во Хјустон дека својата развојна алатка Visual Studio ќе ја направи повеќе-платформска.
Користењето преку различни платформи е овозможено од Apache Cordova алатката која дозволува креирање на iOS, Android, Blackberry, Windows Phone, WebOS апликации, но и апликации за сите останати оперативни системи со помош на HTML, CSS и JavaScript. Освен ова Apache Cordova доаѓа со API за уредите кои овозможуваат да се користат native-функции на уредите, на пример: пристап до камерата или брзинометарот со JavaScript.
Со Apache Cordova доаѓа Cordova device емулатор и Android емулатор, интегрирани во Visual Studio. Освен JavaScript девелоперите можат да користат и TypeScript. Заедно со оваа најава компанијата ја најави втората надградба на Visual Studio. Надградбата вклучува поддршка за .NET Native Code, TypeScript 1.0 и Universal Projects, кој ќе овозможи истовремен развој на Windows Phone и десктоп апликации, а подоцна ќе биде достапна и Xbox поддршка.
Од ноември Microsoft соработува со Xamarin за на C# и Visual Studio девелоперите да им овозможи развој на други платформи. Сега со интеграцијата на Cordova девелоперите ќе можат да креираат хибридни апликации, вели TechCrunch.
