Microsoft потврди дека ќе го интегрира Windows Live Messenger во Skype, информацијата доаѓа на блогот на Skype. Транзицијата ќе биде направена во следните месеци, а веќе е започната со Skype 6.0 за Mac и Windows.
„Нашата цел останува да овозможиме најдобра можна комуникација на сите и насекаде. Сакаме да се фокусираме на едноставноста и постојаното подобрување на искуството. Ќе го повлечеме Messenger во сите држави во првиот квартал на 2013 (промена нема да има во Кина, каде Мessanger ќе продолжи да се користи).“ е информацијата на блогот на Skype.
Интеграцијата нема да дојде без предности. Ќе се зголеми поддршката за повеќе платформи вклучувајќи и iPad и Android таблет компјутери. Сепак главната предност на Skype ќе остане иста: инстант пораки, видео разговор, разговори со мобилна и фиксна телефонија, и сето тоа на едно место.
Заедно со ова ќе дојдат и споделувањето на „екранот“, видео разговори со мобилни телефони, со Facebook пријатели и разговори на повеќе корисници.
Се што треба да направите е да ја симнете најновата верзија на Skype и да се најавите со вашиот Microsoft профил, потоа Skype и Messenger профилите ќе се спојат во Microsoft профилот, каде ќе ви бидат синхронизирани и WLM контактите.
