Onenote, софтверот на Microsoft за фаќање белешки и колаборација, сега е за првпат достапен Mac, и тоа бесплатно, и во фримиум модел за Windows. Покрај новите верзии, објавен е и API со кој ќе може да се поврзат трети апликации директно со OneNote. Со ова Microsoft ја комплетира задачата да го обезбеди OneNote за сите можни платформи, од десктоп до паметните телефони и таблет компјутери до веб.
Бесплатната верзија за Windows не ги вклучува сите функционалности како што ја има и комплетната верзија која е достапна за корисниците кои платиле за Office 365. Бесплатниот OneNote на пример нема Outlook интеграција, но има доволно опции за да им конкурира на популарните бесплатни апликации за фаќање белешки како Evernote. Има клипер за зачувување дел од сајтови како белешка, има офлајн пристап и нема да има реклами.
[youtube]nDWhKx2n_Zs[/youtube]
