Microsoft ќе го „пензионира“ Windows Live Messenger во месеците кои доаѓаат, јавува the Verge. Изворите на the Verge јавуваат дека Microsoft во неколкуте наредни месеци целосно го интегрира Windows Live Messenger во Skype. Официјалната најава за „пензионирање“ ќе се појави наскоро, можеби дури до крајов на неделата.
Делови од WLM ќе бидат интегрирани во Skype, станува збор за ММS (Microsoft Messenger Service) кој веќе е интегриран во Skype. A дури со 80 отсто од текст пораките кои се испраќаат преку Skype, се справува Messenger Service. Со оглед на тоа дека Skype и Windows Live Messenger имаат иста архитектура целосната интеграција би била следниот чекор.
Бидејќи Microsoft работи на интеграција на Skype со Windows 8, Windows RT и Windows 8 mobile, а и со Xbox, интеграцијата на двата сервиса за разговор не е за изненеадување.
Skype заедно со технологијата од 13 мај 2011 се дел од Microsoft за цена од 8,5 милијарди долари. Според бројки од 2010 Skype има 663 милиони корисници, а за Microsoft Windows Live, процената е на околу 330-350 милиони корисници.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
