Ако мора, Европската комисија е подготвена и самостојно да го промени начинот на кој се даночат дигиталните компании. Сепак, претставниците на комисијата се надеваат дека во одлуката ќе им се приклучи и останатите побогати држави, јави Reuters.
Европската комисија ќе се обиде да пронајде решение за даночење на мултинационалните компании кои својата заработка ја остваруваат онлајн. Ова најмногу важи за компании како Amazon кои иако продаваат и доставуваат производи насекаде во Европа, данокот го плаќаат во Луксембург и Ирска. Причината за ова е што овие држави имаат значително пониски даночни стапки од останатите членки на Унијата. Како последица на ова, обичните продавници во Европа плаќаат два пати повисок данок од онлајн продавниците.
Предлогот на Европската комисија ќе им биде презентиран на европските лидери оваа недела, а прифатливо решение се очекува до декември.
Едно од предлог решенијата е изнаоѓање на можност за даночење на компаниите во државите во кои го остваруваат профитот, дури и кога немаат физичко присуство во државите. Ова секако може да биде преодно решение. Долгорочно решние за Европа сепак останува единствениот европски пазар, со кој ќе се избегнат сите злоупотреби.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
